Вила во село Зовиќ која располага со одлични услови за одмор и рекреација, со можност за возење со велосипед по мариовскиот крај, вкусување на традиционалните јадења, планинарски тури, и посета на манастири. Куќата била изградена во далечната 1836 година, но за време на турското владеење била срушена. Во 1920 година е одново направена, а во 2020 е реставрирана од страна на сопствениците кои решиле да го зачуваат автентичниот стил. Реставрацијата се правеше етапно во текот на 3 години, дел по дел, со цел да се зачува оригиналниот концепт и идеја на градбата, да се доловат старите, етно елементи и традиција и дел од мариовската култура и живеење, освежени со делови од сегашноста.
