Зелени бизниси

Што нудиме?

Ресторанот располага со два апартмани уредени во традиционален стил, кои нудат топлина, мир и поглед што се простира од Вевчани и Јабланица, преку Струшката долина и Охридското Езеро, сè до Пелистер. Локацијата е идеална за прошетки до најзначајните знаменитости – Вевчанските извори, црквата „Св. Никола“, планинарските патеки и излетничките места во природата. Кутмичевица нуди и уникатни активности: тим-билдинзи, часови по готвење на локални специјалитети, дегустации, пикници и прослави во автентичен амбиент.

Најбарани производи/услуги:

Менито на ресторанот е изградено врз традиционални вевчански и македонски рецепти, подготвени со домашно произведени состојки – пити, ајвар, пинџур, туршија, џемови и мармалади, луканци, вино и лозова ракија. Во текот на целата година се одржува блиска соработка со локалните земјоделци и фарми, со што се поддржува локалната економија и се обезбедуваат свежи и сезонски производи. Во рамки на ресторанот функционира и мало катче со сувенири и домашни производи – мед од вевчански пчелари, пченкарно брашно мелено во локалната воденица, книги и ракотворби – што овозможува секој гостин да понесе дел од Вевчани со себе.

Каде и како може да ги купиш нашите производи/услуги?

Во живо

Информации за достава:

Што точно може да селектираш со нас?

Како функционира?

Кутмичевица е семејна куќа стара повеќе од два века, чие постоење е длабоко врежано во историјата на Вевчани. Според раскажувањата на постарите генерации, токму во оваа куќа се служела храна за мајсторите кои ја граделе главната селска црква „Св. Никола“ во почетокот на XIX век. Од тие приказни произлезе идејата за реставрација и пренамена на куќата во етно ресторан – простор кој ја чува автентичната архитектура и духот на минатото. Денес, низ оригиналните камени ѕидови, дрвени врати и предмети од секојдневниот живот на нашите предци, Кутмичевица раскажува жива приказна за традицијата, гостопримството и семејните вредности.

‍

No items found.

Интересен податок

Кутмичевица е меѓу првите четири сертифицирани зелени бизниси во Македонија, а Вевчани е првата зелена дестинација во земјата, сертифицирана според програмата на Good Travel Seal.

Производи кои не содржат никакви состојки од животинско потекло. Начин на исхрана и живот со кој се избегнува било каква грубост над животните, нивно искористување или искористување на нивните производи за храна, облека и друга намена. Затоа сакаме да им помогнеме на поединците во потрага по вакви производи лесно да ги препознаат бизнисите со таква понуда.

Ниту производите ниту пакувањето не содржат никаков вид на пластика добиена од фосилни горива. Пластичниот отпад и екстракцијата на фосилни горива претставуваат огромни проблеми на денешницата, затоа ние ги поддржуваме бизнисите кои прават напори да користат алтернативни материјали за производство и амбалажа.

Производи кои не содржат месо, риба, морски плодови и други состојки кои се добиваат со убивање на животни. Начин на исхрана и живот со кој се избегнува конзумирање на месо и некои други животински производи како на пример салото, од различни причини (етички, еколошки и сл.). Затоа сакаме да им помогнеме на поединците во потрага по вакви производи лесно да ги препознаат бизнисите со таква понуда.

Локално произведено во границите на Р. Македонија. Производите направени во нашата земја придонесуваат за развојот на локалната економија и потенцијално ја намалуваат количината на емисии од јаглерод диоксид кои би се генерирале при транспортот на увезени производи.

Органски производи или производи кои содржат состојки од органско потекло. Под органски производи се подразбираат оние кои се произведени без употреба на хемиски пестициди, ѓубрива, хербициди и други хемикалии, или пак без рутинираната употреба на антибиотици и хормони за раст доколку станува збор за добиток. Со оваа вредност сакаме да им го олесниме изборот на купувачите кои се грижат за одржување на своето здравје и здравјето на почвата преку користење нa органски производи.

Бизнис предводен од минимум 60% жени. Во нашето општество, а и на глобално ниво, водењето бизнис често се смета како работа на мажите. Затоа сакаме да го урнеме стереотипот дека успешен бизнис може да водат само мажи и да ги истакнеме бизнисите кои се во сопственост и под менаџмент на жени.

Сите или поголем дел од производите се потполно рачно изработени или пак некој дел од процесот на производство вклучува рачна изработка. Рачно изработените производи имаат посебна душа и уникатност за разлика од оние направени преку индустриски процес, и потребно е повеќе време и труд за нивната изработка.

Кутмичевица

Интересен податок

Пронајди нè на мапата

Предлог блогови за читање

Стани дел од мрежата на зелени и општествено одговорни бизниси