JuMi е приказна што од една страна ги спојува корисниците на здрава храна, а од друга страна е водилка на сите кои сакаат да го подобрат своето здравје преку храната што ја внесуваат. Следејќи ги светските трендови и динамичниот животен стил, креиравме бренд што ќе овозможи квалитетна, балансирана храна подготвена на брз и здрав начин без губење на хранливите состојки, витамините и минералите, а истовремено ќе овозможи пријатен амбиент за сите љубители на кафе и природно свежо цедени сокови да уживаат во ново урбано место, да ги земат со себе или да се испорачат до посакуваното место. Храната се пакува во Еко амбалажа што лесно се рециклира, а купувачите имаат можност да остварат дополнителен попуст за омиленото кафе ако понесат своја чаша за повеќекратна употреба. Позиционирани во Гевгелија, еден од најтоплите градови, убавите сончеви денови ги користиме за вршење на еколошка достава на велосипед, се' со единствена цел за намалување на штетните гасови и зачувување на природата.