„БИЛКИЛАЈФ“ е Хербална куќа и Центар за одржлив развој, преку хербализам и искористување на неговиот потенцијал за туристички и економски цели, социјално претприемништво, циркуларна економија и инклузивност. Грижата за животната средина е наша определба, преку примена на циркуларната економија и зеленото претприемништво, со селектирање и повторна употреба на хербалниот отпад, за искористување на неговиот потенцијал.Нашите активности се насочени кон рурален развој преку хербалниот туризам, со нови иновативни форми, создавање туристичка понуда за сите граѓани, кои ќе можат да ги користат придобивките од лековитите билки и шумски плодови, вклучувајќи ги и лицата со попреченост, преку рекреативна тура за лица со попреченост со лековити билки, прва од ваков вид на нашите простори.
Работиме на развојот на претприемништвото во руралната средина, бидејќи има огромно значење, за што работиме на стекнување вештини за искористување на потенцијалот на лековитите билки за бизнис, подготовка на разни категории производи, што придонесува за локалниот економски развој. Преку научни истражувања, едукација, примена на современи странски искуства, институционална соработка, да постигнеме одржлив развој на локално ниво, преку искористување на локалните ресурси и капацитети.
Нашата визија е да ги зачуваме ресурсите на природата, да промовираме иновативни пристапи во решавањето на комплексните социјални проблеми, да влијаеме на поголемо искористување на економските потенцијали на локално ниво и да ги насочиме ресурсите кон економски бенефит за локален развој и економско зајакнување на руралната средина.
„БИЛКИЛАЈФ“ е социјално претпријатие кое дел од своите средства ги вложува во подобрување на квалитетот на живот на лицата со попреченост, во делот на пристапноста во туризмот, создавање услови да користат услуги, како и постигнување еднакви можности за вработливост и нивно економско зајакнување.